Uso da lingua nas redes sociais

Coma todos os días, a calquera hora, coma calquera rapaz da miña idade,abro twitter. Vexo o típico que podo ver nunha rede social, xente falando de fútbol,de actualidade,reflexións amorosas adolescentes... Pero, últimamente, aprecio que en xente coma min,veciños, compañeiros, coñecidos, persoas que se falas con elas personalmente sempre se dirixen a ti en galego, escriben en castelán, sempre.
Este fenómeno, que se acentúa cantos menos años teña o redactor ,chámame moitísimo a atención, xa que non podo atopar unha razón lóxica que empuxe a estes rapaces a manifestarse en público nunha lingua que non é a que usan no seu día a día. Algunha xente di que escriben así porque desa forma calquera que os lea os vai entender, pero eu pregúntome, acaso un castelán-falante escribe en inglés para que todo o mundo o poida ler?. Será que segue a existir na mocidade galega o estereotipo, que teoricamente debería de estar erradicado, de que o galego non é máis que unha lingua para usar nos rexistros coloquiais? A onde nos conduce esta actitude? Na miña opinión, de seguir por este camiño, o galego acabará empuxado por nós mesmos,os falantes,a volver a tempos nos que o galego esté apartado da vida pública e cultural.Isto sería realmente unha mágoa,xa que sería como botar por terra todo o traballo que se fixo por manter a lingua en todos os ámbitos.
A solución,supoño que coma sempre,será mellorar a educación e inculcarlle,de verdade,ós rapaces que se están formando como persoas e dentro duns anos serán os encargados de manter o legado cultural da lingua galega,iso si,vendo o interese mostrado polas altas esferas,non é unha tarefa fácil para ninguén,nin para os profesores,nin para as asociacións a prol do galego,nin para ninguén.Deberiamos entre todos intentar cooperar con toda esta xente,iso si,se nos deixan.

Alberto Cerdeira Bravo,2º BH