Noveno 9

Chegounos a noticia da edición dixital dunha revista de  banda deseñada dos alumnos do laboratorio de O garaxe hermético, da Escola Profesional de Banda Deseñada e Ilustración de Galicia dirixida por Kiko da Silva.
Podedes descargar aquí o número

Banda deseñada de contos de Antonio Reigosa

Antonio Reigosa_banda deseñada by As Ferreiras Silleda

Banda deseñada realizada con motivo da visita ao noso centro de Antonio Reigosa polos alumnos de Agrupamento de 1º: Kevin Escariz Rodríguez, Raquel Rozas Gil e Javier Núñez Rodríguez

Inacio Vilariño relátanos a vida de Castelao desde o cómic

Inacio Vilariño e Iván Suárez editaron ata o momento dous cómics sobre Castelao. En ‘Titoán’ Castelao defende a loita a favor dos labregos de Basilio Álvarez e relátase a vida de Castelao entre os 18 e os 28 anos. Contén unha dimensión moi biográfica que nos retrata a traxectoria do Castelao mozo Un deles, ‘O pobre tolo’ conta unha época xa máis coñecida, a de cando Castelao é desterrado a Badaxoz no 1934. É a época da preguerra, e do prefacio de ‘Sempre en Galiza’. A pretensión, segundo o guionista Inacio é contar a evolución de Castelao desde un conservadorismo agrarista ata un esquerdismo nacionalista.
 Inacio estivo no noso centro o 10/01/2013 e tomando como base estes cómics achegounos aspectos novidosos da biografía de Castelao. Velaquí unha parte moi recomendable súa intervención:

Abraham Carreiro ensínanos a debuxar a Xoeliqui

O debuxante Abraham Carreiro estivo o pasado 22 de novembro no noso centro. Velaquí unha parte das súas explicacións de como facer os debuxos de Xoeliqui

Abraham Carreiro explicounos como facer unha banda deseñada

Non é sen tempo, tivemos un pouco parado o blogue nos últimos días, pero pretendemos volver a darlle corda.
A primeira anotación vai sobre a visita que tivemos o pasado 22 de novembro. Abraham Carreiro, debuxante. Moitos coñecederes as aventuras de Xoeliqui. Abraham explicounos quen son todos os personaxes destas aventuras da literatura xuvenil.
Ademais do ciberpirata, seguro que vos soan Mr. Virus, Maverick, Aric, Barbabranca, Centulo.

O máis interesante foi que Abraham Carreiro non só nos fixo unha introdución e unha invitación á lectura de Xoeliqui, senón que nos foi debuxando da todos os protagonistas destas aventuras.

Para completar, podedes, desde aquí, descargar en pdf unha publicación na que colaborou este debuxante, H2Oil. Trátase da edición facsimilar dixital da banda deseñada sobre a catástrofe do petroleiro Prestige. Contén obras dun total de 65 autores.