Letras Galegas 2019. Antonio Fraguas Fraguas

O antropólogo, xeógrafo e historiador Antonio Fraguas Fraguas naceu o 28 de decembro de 1905 na vila pontevedresa de Cotobade. Sendo estudante de bacharelato fundou a Sociedade da Lingua para a defensa do noso idioma e a elaboración dun dicionario.
En 1928 formou parte do Seminario de Estudos Galegos que foi clausurado pola ditadura militar despois da Guerra Civil.Tamén foi membro do Instituto de Estudos Galegos Padre Sarmiento, do que chegou a ser director da Sección de Etnografía e Folclore.En 1951 entrou a formar parte da Real Academia Galega, ocupando o posto de Alfonso D. Rodríguez Castelao.Dirixiu o Museo do Pobo Galego ata o seu falecemento en 1999.


Seminariogalan.org

O alumnado de 2º ESO elaborou un mural baseado no labor patrimonial de Antonio Fraaguas, dito mural,  complétase coa maqueta dunha carballeira e unha mámoa feita con diferentes materiais. Esta representación constitúe un símbolo do noso patrimonio natural e cultural que todos debemos coñecer , respectar e coidar.

D. Antonio Fraguas plantou durante toda a súa vida centos de frondosas autóctonas e como xeógrafo coñeceu o noso patrimonio natural contribuíndo á súa conservación.

Memorias dun neno labrego. Álbum ilustrado de 2º C

O alumnado de 2ºC do IES Pintor Colmeiro (Silleda) do curso 2015-16 realizou este álbum ilustrado sobre a obra de Xosé Neira Vilas, "Memorias dun neno labrego"

Memorias Dun Neno Labrego (2ªC)

Memorias dun neno labrego. Álbum de 2ºB

O alumnado de 2ºB do IES Pintor Colmeiro (Silleda) do curso 2015-16 realizou este álbum ilustrado sobre a obra de Xosé Neira Vilas, "Memorias dun neno labrego"

Memorias Dun Neno Labrego (2ºB)

Memorias dun neno labrego. Álbum ilustrado de 2ºA

O alumnado de 2ºA do IES Pintor Colmeiro (Silleda) do curso 2015-16 realizou este álbum ilustrado sobre a obra de Xosé Neira Vilas, "Memorias dun neno labrego"

Memorias dun neno labrego (2ºA)

Resalgario. Álbum de 1ºC

O alumnado de 1º C do IES Pintor Colmeiro (Silleda), entre as actividades derivadas súa lectura, realizou este álbum ilustrado sobre o libro de Antonio Reigosa, "Resalgario"

Resalgario (1ºC)

O misterio das badaladas. Álbum de 1ºB

O alumnado de 1º B do IES Pintor Colmeiro (Silleda), entre as actividades derivadas súa lectura, realizou este álbum ilustrado sobre o libro de Xabier P. Docampo "O misterio das Badaladas"

O Misterio Das Badaladas (1ºB) by as_ferreiras

Dúas bágoas por máquina. Álbum de 1ºA

O alumnado de 1º e 2º da ESO estivo realizando álbums ilustrados dos libros que leron. Este foi o caso dos alumnos de 1ºA, que leron o libro de Fina Casalderrey, dúas bágoas por máquina. Velaquí o traballo que realizaron.

Dúas Bágoas Por Máquina (1ºA)

Rutas do Ciclo de Actividades no Medio Natural

O Ciclo Medio de Actividades Físicas no Medio Natural está publicando nunha aplicación de rutas, algunhas que elaborou polo concello de Silleda. Compartímolas por que queredes percorrer algunha delas.

Powered by Wikiloc

A ruta dos Tesouros do Deza desenvólvese polo concello de Lalín.Iniciarase dende o teleclub de Donsión a través do camiño da prata onde a poucos metros atoparemos a súa Igrexia Barroca.Deseguido pasarase pola parroquia de Bendoiro mediante a Devesa,deixando atrás algúns regatos.Continuará ata Prado por sendeiros onde atoparemos Pazos e Igrexias.Proseguira atravesando a Devesa de Liñares ata chegar a Ponte Taboada Vella e seguirá cara a Borralla pasando o resto de pontes.Continuará ata Santa Lucía onde veremos o Muiño de Cuiña.Finalmente,seguirá hacia o Monte Anselo para chegar a Igrexia de Noceda onde rematará a ruta.

Powered by Wikiloc

A ruta “As minas de Fontao” desenvolvese no entorno do concello de Vila de Cruces. Saldremos dende A Carixa onde veremos O Arco, subiremos ata o monte de Carboeiro onde poderemos ver o Mosteiro de Carboeiro e o seu entorno. Logo pasaremos pola Brea e subiremos ata a igrexa, dende ahí poderemos ver o poboado Mineiro de Fontao,unha vez alí visitaremos o museo da minería de Fontao. Continuaremos a ruta outra vez pasando pola Brea, esta vez por outra senda, baixaremos ata a Ponte dos Cabalos onde tomaremos unha senda de pescadores polo río Orza, que nos levará a Carixa.

Powered by Wikiloc

A ruta circular Mosterio de Carboeiro –Cataratas do Toxa é unha ruta que esta dentro do marco da comarca do Deza, concretamente no Concello de Silleda. A ruta comeza cunha visita guiada ao Monasterio de Carboeiro. Continuaremos a ruta pasando A Ponte do Demo, cruzando o río Deza. Pasaremos pola zona recreativa da Carixa. Antes de chegar as fervenzas pasaremos a carón da Capela de San Paio. Xa nas fervenzas atopamos a cascada de auga considerada a máis alta de Galicia en caída libre. Baixaremos por unha pista de zaorra e camiños ata chegar a Ponte Sulago. Subiremos 500m pola estrada para coller un camiño que nos leve ata a capela de San Paio. Continuaremos polo camiño de ida ata a Carixa.

Rutas por Silleda

O Ciclo Medio de Actividades Físicas e Deportivas no Medio Natural está expoñendo estes días no hall da entrada unha serie de rutas que elaboraron. Son paseos polo concello de Silleda, algún deles para verdadeiros aventureiros (botádelle un ollo ás tirolinas)

Nós, con Rosalía

Esta imaxe de Rosalía de Castro que nos remitiron o Concello de Silleda e a Deputación de Pontevedra, acompáñanos na entrada e nos corredores do centro xunto a unha exposición de traballos realizados polo alumnado co fin de achegármonos e aprendermos a importancia da obra da escritora de Padrón.

As ondas gravitacionais, de primeira man

Dúas alumnas do Taller de Normalización que están cursando 3º da ESO, Alba e Soraya, fixéronlle esta entrevista a dous ex do noso centro: Suso Casal, ex-profesor de física, xa xubilado, que acompañou a Juan Calderón Bustillo, ex-alumno, que actualmente participa no proxecto LIGO, o que descubreu as ondas gravitacionais. Se queredes saber do tema, de primeira man, esta é unha ocasión excelente.

Reflexións sobre a violencia de xénero

O alumnado de 1º de bacharelato traballou moito o tema da violencia de xénero, achegándonos moi boas e ben elaboradas reflexións. A seguinte é de Mariña Castro (1º bacharelato):

Para comezar vou presentar o resultado da Macroenquisa da Violencia contra a Muller 2015: o 12,5% das españolas afirman que sufriron violencia física ou psicolóxica por parte das súas parellas ou exparellas. Outra (demasiado) alta porcentaxe delas non está aquí para contalo. 
Por que? 
Vivimos nun mundo no cal se utiliza a violencia para "resolver" conflitos. 
 De todos é sabido que innumerables persoas foron asasinadas ao longo da historia (pola súa ideoloxía,etnia, relixión, orientación sexual etc.)
 Dende o meu punto de vista estas guerras, con nome ou sen el teñen algún factor en común co maltrato realizado contra as mulleres. 
 Como dixo Baudelaire: " sempre hai unha vítima e un verdugo no amor". Esta cita , mirada en relación co tema que nos atinxe, fálanos dese "amor" no cal un dos compoñentes da parella leva as rendas e o outro é sometido á vontade do primeiro, que ten esa sede insaciable de dominación e poder que satisface mediante a acción de facer sentir inferior á chamada vítima. 
 Pois ben, ao igual que ese pseudoamor do que falaba Baudelaire tamén están implantadas no pensamento colectivo unha serie de etiquetas e roles de xénero que separan e distinguen aos seres humanos en función do seu sexo. 
Concretamente, os homes cargan con ideais absurdos de masculinidade e as mulleres cargan co concepto de que fraxilidade é igual a feminidade. 
Quen non escoitou nunca que "eles non choran"? 
 Elas son mandonas, histéricas e golfas. 
Eles teñen madeira de líder, teñen carácter e son uns casanovas. 
 Horrorízame que aínda se pense que as vítimas de violación "van provocando", tamén que existan prácticas coma a ablación , que ás mulleres se lles pague menos no traballo etc. 
Dende o meu punto de vista isto é debido a que aínda existe esa ideoloxía bárbara imposta fai séculos que me gusta resumir como "ponte guapa e estate caladiña para pescar o marido que te ha de matar". En definitiva, podemos concluír dicindo que son esta mestura de violencia global, amor paixonal e a catapulta do home porriba da muller o néctar qye alimentaa lacra social da violencia de xénero.

Os nomes das vítmas

Os alumnos de diversificación foron a voz da denuncia da violencia de xénero cun traballo no que lembraron os nomes das mulleres e as nenas asasinadas este ano.

Solucións contra a violencia de xénero

O alumnado de 4º B tamén fixo a súa achega ao Día Contra a Violencia de Xénero. E fixérono desde un punto de vista positivo, ofrecéndonos uns botes de remedios contra a violencia

A muller perfecta

 Chéganos xusto a tempo, para conmemorar o Día da Violencia de Xénero, este relato:

"Inútil. Desvergoñada. Eres unha desvergoñada. Non teño por qué aguantarche as túas tolerías coas que me enches o cerebro de parvadas. Todos estes anos intentando que foses unha muller mellor. Todos estes anos nos que me dicían que te deixara, que non valería a pena porque nunca ías cambiar. Que razón tiñan e doume conta agora...'Xa nunca foi unha gran muller', dixérame o teu pai cando lle pedín a túa man, 'a ver se podes facer dela algo mellor'. Vinte anos despois e non o conseguín. O teu pai si que conseguira facelo coa túa nai. El si que era un home de ben e a túa nai, a muller perfecta. Nin lle protestaba nin lle daba os problemas que ti me das a min. Creme que me doe máis a min que a ti cando che pego co cinturón, pero e que non hai outra maneira. O cinturón era o que usara o teu pai para a muller e doumo cando casamos. El si que era un home de ben e a tua nai a muller perfecta. Non sei que mal fixen eu para merecerte...Oxalá te houbera deixado anos atrás en vez de seguir aturándote. Fíxeno pola nosa filla. A pequena sí que conseguirá ser unha boa muller, diso encargareime eu. A partires de agora heina levar visitar á súa avoa máis a miúdo para que saiba que ten que ser coma ela e non coma ti. Comprareille un ramo de margaridas para que as poña debaixo do seu nome gravado na pedra e direille que rece unha oración. Cando sexa maior xa saberá como comportarse e eu estarei ao seu lado preparado para darlle a herdanza do cinturón do teu pai ao seu futuro marido. O teu pai...el si que era un home de ben e a túa nai a muller perfecta. Non coma ti, inútil. Desvergoñada."
 Inútil. Desvergoñada. Son unha desvergoñada. Salto da cadeira e sinto o suave agarimo da corda no meu pescozo, o abrazo máis cálido que sentín na miña vida. Agora serei a muller perfecta.

Ana Colmeiro (2º bach)

Issiris musicando a Ledicia Costas

Issiris Ramírez, alumna de 2º de bacharelato, ofreceu esta peza musical no Club de Lectura da Biblioteca Pública Castelao de Silleda, inspirada na obra Un animal chamado néboa, de Ledicia Costas, quen vén de ser galardoada co Premio Nacional de Literatura Infantil e Xuvenil.
Vía Trafegando Ronseis

Premiados do concurso de carteis do Correlingua 2015

Reunido o xurado o 22 de maio de 2014, e vista a calidade dos carteis presentados, decidiu outorgar nesta ocasión tres premios aos carteis cos lemas:
"Que non che coma a lingua o gato", realizado por Rafel Pena, Alex Pavón e Maino Ares, alumnos de 1º A
"Non permitas que che prohiban falar galego", de Cristina López Muras e Aida Eiriz Pérez, de 1º B
"-O galego é a miña vida enteira!
-Pois pensei que era eu..." , realizado por Carla Filloy, Celtia Ansemil, Diego Cangas e Juan Ares, de 3º B

Como vimos facendo todos estes anos, os mellores carteis que participaron na edición do Correlingua, teñen premio. Estes son os orgullosos autores dos traballos premiados

Esopías 2015

Tal e como fixemos o curso pasado, volvemos a publicar unha escolma das esopías que máis nos gustaron entre as participantes no II Concurso de Esopías que o ENDL convocou este curso. Nesta ocasión contamos coa colaboración do Departamento de Plástica coas ilustracións que fixeron alumnos de 3º da ESO.
Entre as creacións aquí recollidas está a que obtivo o premio do 2º ciclo da ESO e Bacharelato do III Concurso de Esopías celebrado na IX Feira Matemática

Toponimia de Vilar

Toponimia de Vilar (Silleda) from As Ferreiras Silleda

David Varela elaborou esta presentación sobre a toponimia da parroquia de Vilar do concello de Silleda. Este traballo é unha contribución máis ao realizado no IES Pintor Colmeiro dentro do Proxecto de recuperación de lendas e toponimia premiado na 9ª edición do Antonio Fraguas

O toxal da Malata

Narración de José Espiño Mato para o Proxecto didáctico Antonio Fraguas 2014-2015 no que se relata unha explicación do topónimo do toxal da Malata