21 de dec. de 2014

Un percorrido polo mapa de microtoponimia do concello de Silleda



O maior proxecto do Equipo de Normalización deste curso, ben o sabedes todos, é o Proxecto Antonio Fraguas. Baixo a dirección de Xoán Carlos García Porral e coa colaboración do profesorado do Departamento de Lingua Galega, vai medrando a relación de topónimos e lendas e que poden consultarse no  mapa de arriba.
Invitamos a todo o mundo a que faga un paseo polo mapa. Como guía imos recomendar un percorrido por algúns dos centos de lugares que están xa referenciados.
Recomendamos premer na ampliación de pantalla do mapa e despois introducir o topónimo no buscador para ir directamente. Velaquí unha escolla de lugares para consultar:

Toponimia maior
Neste apartado podemos consultar información sobre a procedencia dos topónimos de todas as parroquias do concello de Silleda.
Siador: O nome da parroquia vénlle dado polo dunha aldea da mesma, que foi posuída inicialmente por un home chamado Senator -oris.
 LENDA: O milagre da Virxe de Siador (Siador, Lara Diéguez Troitiño): Na aldea de Siador existe unha imaxe da Virxe da Saleta. A súa festividade celébrase o 19 de setembro. No pobo do Marco hai unha caixa para botar esmola para a xente que pasa. Un mozo de 26 anos tiña necesidade de marchar para gañarse a vida, e non tiña cartos para a viaxe, Pediullos a uns compañeiros e dixéronlle que non tiñan. Viuse tan apurado que recordou algo: pensou en ir roubalos a caixa da Virxe da Saleta. Despois das doce da noite, cando toda a xente estaba durmindo, foinos roubar. Ninguén sabe a cantidade. Marchouse para a viaxe con eses cartos. Despois de dous anos o mozo volveu, e despois das 12 da noite foinos devolver. Botou as súas contas para deixarlle os réditos que lle pertencían segundo o que antes lle collera. Meteu os cartos e cerrou a caixa, e cando quixo marchar non se deu movido, e pensando un pouco dixo: “ Metinlle poucos cartos polos réditos que tiña que pagar”, e meteulle máis; cerrou a caixa e tampouco se puido mover. Entón volveu pensar e meteulle os cartos xustos que roubara e volveu cerrar a caixa e empezou a andar ata lonxe. A Virxe no quería réditos…

Augas
Fontes, lagoas, ríos, regatos, pozos, lavadoiros,... Seguramente o lugar máis máxico sexa a coñecida Lagoa Sacra. O curso pasado xa se realizara un vídeo sobre esta paraxe que non se pode deixar sen ver. Dentro do proxecto final esperamos engadir moitos outros vídeos recollendo o patrimonio inmaterial.
Lagoa Sacra  [buscar: Brañas de Xestoso]:  Dise que antigamente recollíanse destas brañas plantas medicinais que servían para curar persoas con algunhas enfermidades. Foron declaradas zona protexida. Están asulagados de auga. Forman parte da Rede Natura 2000. Nelas atópase a coñecida Lagoa Sacra, un embolsamento de auga que se produce en épocas de inverno e chuvia por mor das capas freáticas da terra. Conta a lenda que na Lagoa Sacra apareceron enterrados numerosos cadáveres. Estes eran de xente que participara nunha gran loita. Debido a isto só hai herba e pedras, sen árbore, para non profanar os mortos.

Penedos

Pendos, rochar, árbores... soen ser elementos cargados de simboloxía e, polo tanto, dun nome referente dunha taradición ou dunha lenda explicativa e valorativa dese topónimo.
Polo territorio adiante hai ben de pedras asociadas a contos e tradicións, como por exemplo o caso da Peneda de Santa Isabel, na parroquia de Escuadro.
Cova dos Mouros (Oleiros): Na zona norte do Castro Montaz existe unha cova na que segundo a tradición se agochaban os mouros habitantes dos castros. Hai décadas, cando os veciños ían co gando para o Castro, resgardábanse das inclemencias nesta cova.


Camiños
Os nomes dos camiños, das congostras, dos carreiros van servirnos para ampliar os topónimos relacionados coas aldeas. Algúns deles tamén terán lendas e tradicións que nos informarán do seu significado.
O Camiño da Feira (Ponte): Con este nome coñecíase a ruta comercial (e tamén relixiosa) que unía as terras do Corpiño e as de Sillleda ao seu paso por Ponte. Unha das historias que aínda se recordan en relación con este camino, relata o caso que aconteceu cun boi vendido na feira de Silleda. O animal fora criado por un veciño de Ponte e, ao alcanzar unha certa idade, decidiu vendelo. Os seus compradores foron uns tratantes arzuáns, que tiñan que pasar por Ponte para continuar cara a súa terra. O animal, criado nos montes que atravesaba o Camiño, emprendeu a fuga monte arriba sen que os homes fosen quen de termar del, aínda que finalmente foron quen de atrapalo. Pasada unha tempada, cando viron de novo ao home que llelo vendera, preguntáronlle se era de preto do lugar onde acontecera a fuga do boi, pero o home non lles contestou ao caso. Dise que desde entón, os comerciantes de gando procuraban non mercar animais que puidesen coñecer esta zona de Ponte, para evitar novos incidentes.

Terras
Neste apartado contabilizamos o maior número de topónimos recollidos. Prados, leiras, montes, agros,... aportan unha gran riqueza toponímica e lendaria. Aquí é onde o alumnado das aldeas terá un maior protagonismo xa que o porvir dunha familia agro-gandeira, ao ter unha relación directa co territorio, facilita a recompilación deses topónimos. Consideramos de gran importancia esta recollida pois as parcelarias están levando ao esquencemento dos nomes destes espazos.
Toxal da Malata: Chámanlle así porque alí viviu unha muller enferma de lepra e antigamente aos enfermos de lepra chamábanlles malatos.

19 de dec. de 2014

Pegatinas Silledagasalla


Na iniciativa silledagasalla do ENDL do IES Pintor Colmeiro e a  Concellería de Normalización Lingüística en colaboración co colectivo ECOS e os Equipos de Normalización dos centros educativos do concello houbo unha gran participación. Presentáronse máis de 400 lemas e máis de 200 debuxos, realizados polo alumnado dos centros educativos de Sillleda(CEIP Bandeira, CEIP Silleda, IES Pintor Colmeiro e o C. P.  María Inmaculada).
Desde o pasado día 17 están expostos na Casa da Xuventude o debuxos realizados.
Como resultado do concurso de lemas elixíronse 30 deles para a confección de pegatinas. Con esta escolla o Concello un total de  1.000 exemplares para colocar nos regalos de Nadal que utilizarán os comercios asociados de ECOS.
Este proxecto colaborativo no que participan 7 entidades diferentes ten o obxectivo de de concienciar ao comercio e á cidadanía da importancia de asociar a valores positivos o uso da lingua galega e poñer en evidencia a restricción de espazos que sofre o galego xa que o usual é que as pegatinas dos agasallos veñan todas en castelán.
Por fin este nadal en Silleda podes agasallar aos teus seres queridos na vosa lingua, así o regalo multiplica o seu valor pois preséntase na lingua de noso. O noso mellor agasallo na lingua que máis queremos.

18 de dec. de 2014

Breogán Riveiro no Colmeiro



O pasado xoves 11 de decembro o escritor Breogán Riveiro mantivo un encontro co alumnado de 1º da ESO. Nas entradas anteriores xa puidéchedes ver que o pasaron moi ben con el.  Velaquí a comprobación. Todo un espectáculo.
Así que volvemos a ter outra invitación para ler o Tonecho de Rebordechao, e é que aínda hai alguén que non o leu.

Tonecho de Rebordechao. Últimas valoracións

A min o libro de Tonecho de Rebordechao pareceume moi divertido e educativo xa que nós recorda os costumes e as cousas que se facían noutros tempos, como se vivía nas aldeas etc.Ademais tamén dá un pouco de medo coa historia do Home do Unto.
 O personaxe que máis me gustou, ademais de Tonecho, foi o seu avó, porque me pareceu un dos personaxes da historia máis divertidos xa que fai cousas da vida cotiá pero cun toque de humor. E ao rematar de ler o libro veunos visitar o outor, que me pareceu un home moi agradable xa que nos contou un montón de historias divertidas, poñíalle un toque de humor a todo, falaba con nós, aínda que ás veces non do libro, e facía todo o posible para que nos sentiramos a gusto con el.
por Eva García Bibian


Tonecho de Rebordechao O libro “ Tonecho de Rebordechao ” é un libro que todo o mundo debería ler e gustoume en moitos sentidos: -Ensina que os animais teñen sentimentos como as persoas. -O avó e a avoa fanche rir e fan que o libro parezca aínda mais real, porque é algo que sole pasar na vida cotiá. Recomendo este libro a todos os nenos e nenas,e un libro moi interesante,coas súas partes graciosas, tristes,emocionantes...A min gustoume moito. O autor do libro O autor do libro veu aquí ,e contestou as preguntas que lle fixemos,fíxonos sorrir moito .Era moi amable, moi divertido e moi bo con nós,a todos nos caeu moi ben .Ojalá poidamos volver a velo e darlle outra vez a benvida!!!
por  Ángela Quintás Mato

-Gustoume moito o libro, a historia foi moi entretida,espero volver a ler outro libro de Breogán Riveiro que me gustara tanto como o libro de Tonecho de Rebordechao. Breogán Riveiro foi un home moi amable por vir ao IES PINTOR COLMEIRO a darnos unha charla sobre o libro,gustoume moito que viñera. Nós os nenos/as fómoslle dicíndolle preguntas sobre o libro e el contestábaas pero enrollábase moito pero aínda asi pasabámo moi ben escoitando. Esas dúas horas que veu foron unhas das mellores de todas; rimos todo o tempo, quedei moi contenta. Recomendo este libro a todos/as porque é moi interesante e entretido a vez. MOITÍSIMAS GRAZAS BREOGÁN.....
por Laura Míguez Caramés 1º da eso B


É un libro moi divertido. Ten un vocabulario moi fácil e enxebre; de aldea. Case se le só, xa que ten palabras moi cotiáns. Gústame moito, porque Rebordechao recórdame a aldea dos meus avós. O único que lle poño de " pega " é o título. Non está moi logrado, xa que o protagonista chámase Tonecho e vive en Rebordechao. Pero en conxunto é moi bo libro. Un dos que máis me gustou.
por Lara Silva Muiños 1ºC




Boas, velaquí a miña opinión sobre "Tonecho de Rebordechao":
OPINIÓN SOBRE O LIBRO A min o libro gustoume moito (como a case todos os meus compañeiros); gustoume pola maneira que ten de mesturar a gracia, o humor, coa maneira de ser da xente da aldea e co misterio do Home do Unto. Gustoume cando discutían os avos, porque toda a clase escachábamos coa risa. Tamén porque non era moi difícil de entender.
OPINIÓN SOBRE O AUTOR O autor deste libro caeume xenial; é unha persoa moi simpática que sabe como conquistar perfectamente á xente. Contounos moitas lendas moi graciosas , pasamos un ratiño estupendo!
por  Eva Vázquez Montero 1º de ESO C

Gustoume moito o forma de expresarse este autor no libro, non usa palabras que non entendamos e exprésase perfectamente.
O autor é moi simpático e agradable. Sempre respondía as preguntas e contounos anécdotas e chistes moi divertidos e interesantes. Por exemplo: contounos cando nun sitio a un árbitro lle chamaban cousas estúpidas, por exemplo, "equinodermo". E noutra ocasión que a nai do árbitro morrera e ninguén lle dicía nada ata que alguén lle chamou "orfo de p...".
por David Varela Vázquez 1ºC.


Opinión do libro: É un libro con palabras sinxelas, non é dificil de comprender, é moi divertido... Para a nosa idade está xenial. Tonecho de Rebordechao é un libro que inclúe graza, humor, lendas unha aldea olvidada e misterio. Opinión do escritor: É unha persoa moi simpática e extrovertida. Contounos lendas que lle contaran cando era pequeno. Breogán Riveiro é unha persoa que escribe e fala en galego, por iso o admiro. 
por  Lucía Dapena Carracedo 1º de ESO C


A min este libro foi o que máis me gustou de todos os que levo lido . Ademais de que Breogán Riveiro explicou cousas do libro,tamén nos explicou outras cousas que xa no libro nos fixeron graza. Cando nos empezou a contar unhas lendas xa estabamos impacientes; e queriamos que se acabara para ver como acababan esas lendas porque sempre ía ocurrir algo moi gracioso e divertido ademais el faino dunha forma mais cómica e sempre lle dá esa graza ás lendas e historias. Recomendaría este libro a toda os nenos/as porque é moi divertido e pasas un bo rato aprendendo cousas das aldeas: como eran antes... GRAZAS BREOGÁN.....
por Noelia Lorenzo Barciela

Tonecho de Rebordechao. Penúltimas valoracións

OPINIÓN DO LIBRO:O libro pareceume unha obra de arte.Todas as aventuras que nel se contan son moi entretidas,dende o "Home do Unto" ata o "LDí das eleccións".A percepción que o libro dá de Tonecho,é magnífica.Dá a impresión de que é un neno sen complexos, sen tormentos...,que disfruta vivindo a vida,xogando co can...O avó é todo un artista,fai queixos,ensínanos ós lectores costumes e cousas dos animais; por exemplo como saber se é gato ou gata.Eu persoalmente recomendaría a lectura deste libro a calquera,porque é un libro moi bonito,que serve para calquera idade. 
VISITA DO AUTOR:O autor é un bromista,divírtese xogando coas nosas emocións.Gústalle saber cousas e redactalas, recopilar lendas...Contounos lendas e historias moi entretidas,a min as dúas horas que pasei con el,fóronseme voando.Animounos a que escribíramos un libro sobre a parroquia de "DonBodán".Cando asinou os libros a min fíxome unha aposta,que consistía en que se non perdía o papel no que me asinou,cando tivera 18 anos,convidaríame a unha botella de licor café. 
por Brais López García
 
 Ola son Catalin Silviu Nastuta de 1ºA e a miña opinión sobre o libro Tonecho de Rebordechao é que me encantou,é un libro que recomedaría a todos os meus amigos. Este libro apréndeche moitas cousas: como diferenciar nun gato se é macho ou femia, respectar aos animais, saber se alguén está rindo polos ollos,a importancia dos avós, a facer queixos, a apreciar as aldeas...Ademais é un libro moi divertido igual que o seu autor,porque na visita que nos fixo Breogán Riveiro contounos
historias moi divertivas e moitas cousas sobre o seu libro.O momento máis divertido foi cando nos contou a historia sobre un árbitro. Un saúdo!
 por Catalin Silviu Nastuta de 1ºA

O libro e moi bo, faiche sentir alegría,risa,tristeza...combina moi ben os sentimentos. Este libro recomendaríao xa que é un libro no que se expresan cousas boas e malas, tristes e graciosas.Espero ler mais libros parecidos a este. Despois comprobámos,coa súa visita,que o autor é divertido é moi bo expresándose. Había cousas que non entendía, díxenllo e explicoumas.Por exemplo (sorrir polos ollos) 
por Alberto Pérez



 Ola, son Tonecho de Rebordechao pareceume un libro moi realista e que axuda a recordar o importante das aldeas e o que se perdeu fai tempo. Tamén nos axuda a distinguir se os gatos son femias ou machos, a facer queixo e tamén a como saber se unha persoa sorrí ou non, con mirarlle simplemente os ollos. A visita de Breogán Riveiro fíxoseme moi agradable debido a que é unha persoa moi sinxela e divertida. Contounos moitas historias, que, a súa vez tamén lle contaron a el cando era pequeno e non tan pequeno. Pasei unha tarde incrible. 
por Iria Moreira Suárez, de 1ºA.

17 de dec. de 2014

Tonecho de Rebordechao. Segundas valoracións.

O libro gustoume moito polas aventuras que vive Tonecho, as versións que lle contan do Home do Unto. O avó probablemente sería o personaxe que máis me gustou porque é moi divertido e trangalleiro, igual que Tonecho que provocaba discusións entre os avós. Ademais tivemos a sorte que o pasado xoves o autor do libro, Breogán Riveiro fíxonos unha visita para falar do libro, en definitiva pasámolo moi ben co autor porque era moi divertido. Recomendo este libro para calquera persoa interesada na lectura e sobre todo se teñen a sorte de estar co autor do libro. 
por David Mato Rodríguez 


Pareceume un libro moi interesante, porque Tonecho sempre vai descubrindo novas aventuras co seu can o Langrán.
O que máis me gustou do libro é cando Sabela vai visitar a Tonecho e dálle un bico na meixela. O autor do libro, Breogán Riveiro, veu visitarnos ao I.E.S. Pintor Colmeiro e pareceunos moi gracioso, porque nos fixo rir con todas as preguntas que le fixemos. Recomendaríallelo a todos os nenos de Galicia e de fora de Galicia, seguro que pasaría bos momentos léndoo GRAZAS BREOGÁN!!!!! 
Salma 1ºB 


Moi bo, excepto nun aspecto: non quería que acabara así (que Tonecho acabara no hospital por comer un bocadillo con cogomelos velenosos) Recomendaríao a todos os nenos que falan galego, pois conta as "aventuras" dun rapaz nunha aldea perdida chamada Rebordechao Ten a súa parte de misterio (cando conta a historia do Home do Unto), a súa parte de humor (candi di que non pode saber se é gato ou gata un gato porque non ten pirola). Non ten moito romanticismo, pero dá igual, pois o libro segue sendo interesante e moi chulo. Breogán é alguén moi simpático e gracioso, unha boa persoa. Cando responde unha pregunta nosa, sempre respondía e despois explicaba moitas cousas, e algún conto, é dicir, enleábase moito.
 por Rubén Pérez Márquez 



Eu este libro recoméndollo a todo mundo. É un libro moi entretido, enganchoume moito, sobre todo o avó, que é un personaxe moi gracioso e interesante. Non ten moitos personaxes, pero todos teñen algo interesante e son agarimosos. 
O autor veunos facer unha visita o xoves a tarde contounos porque elixiu Rebordechao. O autor é un auténtico gracioso, contestounos a todas as preguntas e contounos moitas lendas.

por  Uxía García Pardo

Ola!!!! Son Andrés e quero que saibades que o libro Tonecho de Rebordechao me pareceu moi divertido e ademais ensinoume moitas cousas que eu non sabía.Para min é un dos libros que máis me gustou.
Encantorme a visita do seu autor, Breogán Riveiro. Esa tarde paseino moi ben. Nunca coñecera a un escritor tan simpático e enrollado como é el. Recomendo este libro a todos os que queiran rir e pasar un momento divertido.
por Andrés López Durán


A min gustoume moito o libro de Tonecho de Rebordechao porque ademais de ter moito humor aprendín cousas,que aínda que son moi básicas,nós non as respectamos. 
Cando veu a visitarnos ao noso centro pasámolo moi ben e rímonos moito.A parte de ser moi simpático a min caeume ben,tanto polos chistes como pola forma de falar.
por Marcos Caetano

Tonecho de Rebordechao. Algunhas valoracións

O libro gustóume moito e una hsitoria que engancha e faite rir  os persoaxes q máis me gustaron foron o Langran,o avo, a avoa,Tonecho e por ultimo o Kevin q estaba moi gordo:)Cando veu o escritor ao instituto  paseino xenial era divertidisimo estar con el el falar co el ,pero voute ser sincero o que máis me gustou foi perde duas horiñas de clase pero en xeral paseino xenial.Espero que poida leer outro libro divetido.

 por Diego Lamas Barros


O libro pareceume dos máis entretidos e interesantes dos que lin, nunca me gustou tanto un libro coma este.Cada parte que les dáche ganas de seguir lendo e coñecer toda a historia.A o libro non lle falta nada: nin humor nin ledicia, nin enfado nin tristeza. O escritor resultou ser unha persoa moi achegada e simpática, faiche rir moito.

 por Nicolás Rodríguez






A min Tonecho de Rebordechao pareceume un libro moi gracioso e alegre que defende o galego e os pobos das montañas que están perdidas entre as árbores e uns camiños minúsculos.Gustoume que puxera a historia do Home do Unto porque eu non sabia quen era. Con el aprendemos un pouquiño máis da culura galega. O avó pareceume que tiña un caracter afable e fíxonos rir moito mentres que o Portugués era un home roñon e tonecho dIcía que ria polos ollos. E Breogán Riveiro e unha persoa apracible e con moito sentido de humor,que nos fixo pasar un tarde marabillosa e eu recoméndollo a todos os nenos que o queiran ler
 por Encarna Oleiro Novo
Ola, son Xoana Rivas López da clase 1ºA. A min gustoume moito o libro de Tonecho de Rebordechao. Rin moito e tamén aprendín moitas cousas como diferenciar gatos e gatas polas cores, a fecer queixo, a apreciar os animais e tamén saber que as aldeas teñen moito valor. O que máis me gustou del foi que, había comedia, medo, misterio... todo xunto. Recoméndollo a todos os rapaces e rapazas, foi un dos libros que máis me gustou dos que lin. O autor pareceume moi gracioso e divertido. Contounos moitos contos graciosos que lle contaran a el.Pasei unha tarde moi agradable con el. 
por Xoana Rivas (1ºA)

16 de dec. de 2014

Boletín para as familias. 1

Un dos compromisos que tiñamos pendente no ENDL era o de distribuir entre a comunidade educativa información sobre a situación social da lingua galega no noso entorno máis próximo.
Temos feito un estudo bastante completo ao respecto, pero que aínda que pode servir como base para o traballo normalizador non é operativo para a difusión pretendida.
Así que nestes días distribuiremos este boletín e temos preparado outro que entregaremos próximamente. Esperamos que vos guste.

15 de dec. de 2014

Marisa Otero impartiu un obradoiro de gravación de vídeos

A profesora Marisa Otero visitou o noso centro para impartir ao alumnado de 1º da ESO un obradoiro co fin de aprender as principais técnicas para a gravación dun vídeo documental.
Como sabedes este alumnado está metido de cheo no proxecto Antonio Fraguas.
Marisa Otero propúxonos unha situación práctica para entendermos mellor como deberiamos proceder. Propúxonos unha situación na que  tres compañeiros de clase van ir gravar unha entrevista. Como medios técnicos teño unha cámara de fotos e un ordenador cun editor de vídeo gratuíto.
Falounos do lugar da gravación. O lugar onde deberemos colocar a cámara e o lugar no que debe colocarse o entrevistador. Explicounos as características que debemos coidar no relativo á iluminación e á gravación de sonido.
Aprendimos tamén a considerar distintas posicións da cámara: en fronte, desde arriba ou o contrapicado. Tratouse o tema do plano/contraplano nunha entrevista.
Marisa Otero tamén nos trouxo unha invitación para que nos apuntemos no Laboratorio Audiovisual de Vedra que é gratuito para o alumnado da ESO.
Despois proxectounos unha curta realizada por ela como proposta para que xurdiran cuestións. En definitiva, unha tarde ben completa.

12 de dec. de 2014

Premios dos concursos silledagasalla



Estes son os premiados dos concursos de lemas e de debuxos da campaña silledagasalla na que os ENDL do Colmeiro e dos colexios de Silleda colaboran co Concello e ECOS na campaña de nadal.
Andrés López Durán, Laura Míguez Caramés, Lara Silva Muíños, David Varela Vázquez e Eva Vázquez Montero

Recetario de outono.2




11 de dec. de 2014

Recetario de outono



silledagasalla. Algúns dos traballos que máis gustaron

Achegamos desta volta algúns dos traballos que máis louvanzas recibiron dentro do concurso silledagasalla no que o ENDL do Colmeiro e os dos colexios de Silleda colabora co Concello e a asociación de comerciantes ECOS para a campaña de nadal.








10 de dec. de 2014

Exposición dos traballos do concurso silledagasalla

Velaquí como nos quedou a exposición dos traballos do concurso silledagasalla que realizamos en colaboración co Concello de Silleda, ECOS e os centros escolares do municipio.

3 de dec. de 2014

II Concurso literario Mª Vitoria Taboada

O Instituto Ramón Mª Aller Ulloa convoca o II Concurso literario Mª Vitoria Taboada de relato curto, microrrelato e poesía, dirixido ao alumnado de secundaria dos centros dezaos.
Pois teremos que animarnos a participar

30 de nov. de 2014

Froitos contra a violecia de xénero


O alumnado do Colmeiro celebrou o pasado 25 de novembro,  escribindo mensaxeses contra a violencia de xénero que se colgaron dunha das árbores que hai na entrada do Centro Social de Silleda. Deste xeito partiparon nun acto contra a violencia de Xénero que se organizaba desde o CIM (Centro de información á Muller).
Tamén se elaboraron carteis que se están autilizar nas titorías de 3º e 4º da ESO para reflexionar sobre os "sinais de alarma" nas relacións de parellas adolescente.
A psicóloga e terapeuta familiar Paula Sánchez xa compartira dúas sesións neste mesmo mes co alumnado do Colmeiro traballando sobre as redes sociais desde a perspectiva de xénero.
Esperamos que os froitos destas actividades teñan a mesma cor dos que deixamos pendurados na árbore do CIM.

27 de nov. de 2014

Encontros con Rosa Aneiros

Esta semana recibimos no noso centro a visita de Rosa Aneiros para falarnos do terceiro volume da triloxía Ámote Leo A. (Terminal de...chegadas?). O alumnado de 2º de Bacharelato, fixo  traballo sobre a traxectoria profesional da escritora.
Nos encontros que os distintos grupos mantiveron con Rosa Aneiros establecéronse interesantes intervencións participada pola autora e os seus lectores. Houbo moitas e interesantes cuestións na que se foron debulllando diversos aspectos da  obra.

25 de nov. de 2014

silledagasalla

Xa desde hai uns días podedes ver polas aulas e os corredores do centro este cartel convocando un par de concursos para colaborar co Concello e ECOS nunha campaña do comercio de Silleda para este nadal. Por un nadal en galego, participla. Temos gorentosos premios

21 de nov. de 2014

Trucs pour apprendre une langue ètrangere!


 Queremos compartir no noso espazo electrónico esta actividade realizada polo alumnado de francés

14 de nov. de 2014

Fórmula de Euler

Teorema de Euler A fórmula de Euler establece que, nun poliedro convexo, o número de caras é igual ao número de aristas máis dous. Chamando C ao número de caras, V ao de vértices e A ao de aristas tense que: 
 C + V = A + 2
 As consecuencias máis importantes do teorema de Euler son:
  • Non pode existir un poliedro convexo con menos de seis aristas, catro caras e catro vértices. 
  • Só existen cinco poliedros convexos cuxas caras sean polígonos de igual número de lados e cuxos ángulos poliedros teñan entre si o mesmo número de aristas e que son: tetraedro, octaedro, icosaedro, hexaedro e dodecaedro. 
  • A suma de todas as caras dun poliedro convexo é igual ao número de vértices que ten menos dous. 
Carla Filloy, 4º B
Carla estivo encargada de mostrar nunha colección de poliedros como se verificaba a fórmula de Euler


13 de nov. de 2014

Topoloxía no Día da Ciencia en Galego




feito por Aroa Espiño e Verónica Granja (4º B)

Aroa Espiño e Verónica Granja participaron no Día da Ciencia en Galego cun crebacabezas topolóxico. Pero... que é iso da topoloxía? Elas foron quen de explicárnolo nesta presentación.



O código binario: o código dos ordenadores

O código binario ou sistema binario é un sistema de numeración posicional no que todas as cantidades se representan utilizando como base o número dous, co que se dispón de dúas cifras: cero e mais un (0 e 1). Os computadores dixitais traballan internamente con dous niveis de voltaxe/carga, polo que o seu sistema de numeración natural é o sistema binario (aceso/ apagado). Con efecto, nun sistema simple como este é posible simplificar o cálculo, co auxilio da lóxica booleana. En computación, chámaselle bit a un díxito binario (0 ou 1).

 Operacións con binarios
 • Conversión binario a decimal:
 Dado un número N, binario, unha forma de convertelo en decimal é aplicar o teorema xeral da numeración posicional, e así escribir cada número que o compón (bit), multiplicado pola base do sistema (base = 2), elevado á posición que ocupa. Exemplo: 
1001 (binario)
$$1\cdot { 2 }^{ 3 }+0\cdot { 2 }^{ 2 }+0\cdot { 2 }^{ 1 }+1\cdot { 2 }^{ 0 }=8+0+0+1=9$$
Polo tanto, 1001 (en binario) é 9 (en decimal).

 • Decimal a binario: 
Dado un número decimal, para convertelo en binario, basta dividilo sucesivamente por 2, anotando o resto da división enteira: 12 (decimal)
$$\frac { 12 }{ 2 } =6+0$$
$$\frac { 6 }{ 2 } =3+0$$
$$\frac { 3 }{ 2 } =1+1$$
$$\frac { 1 }{ 2 } =0+1$$
Agora basta ler os restos de abaixo para arriba: 1100 (en binario) será o 12 (en decimal)

 • Suma de números binarios: Recordando as seguintes sumas básicas:
 0+0=0 
0+1=1 
1+1=10
Así, sumar $$\begin{matrix} 100110101 \\ +\underline { 11010101 }  \\ 1000001010 \end{matrix}$$
 Opérase como en decimal: comezase a sumar desde a dereita, no exemplo, 1+1=10, entón escríbese 0 e "levase" 1. Súmase este 1 á columna seguinte: 1+0+0=1, e séguese ata terminar todas as columnas (exactamente como en decimal).
 • Resta de números binarios: No sistema numeral orixinal, faise exactamente igual que en decimal: 
 $$\begin{matrix} 100110101 \\ \underline { -11010101 }  \\ \quad \quad 1100000 \end{matrix}$$
 Nos ordenadores, faise un método especial de suma por complemento a dous.

 Carla Filloy, 4º B
Carla participou nos obradoiros do Día da Ciencia en Galego co xogo de Nim. Non vos imos contar cal é a relación deste xogo cos números binarios. Procurádeo na rede pois pode facervos gañar as partidas deste xogo.