Obradoiro sobre a violencia de xénero

Durante este curso, desde o departamento de orientación desenvolvéronse diversas actividades en relación coa violencia de xénero. No mes de decembro estivo impartindo unha charla no centro a profesora Ofelia Lema, da USC.
O  traballo continuou cun obradoiro sobre a violencia de xénero foi impartido/dirixido polo policía Alejandro Gómez Aragón ao alumnado de 3º de PDC e 4º da ESO. 

INTRODUCIÓN

·         Implicación do alumnado (motivación).

·         Tema do obradoiro: Investigación sobre “Violencia de Xénero” como fenómeno social.

·         Aplicación do método científico: Que?, Como? Por que? Onde? Quen?

DESENVOLVEMENTO DO OBRADOIRO:

1.    QUE?

Definición (alumna): maltrato físico ou psicolóxico cara unha persoa de sexo oposto.

Definición (Policía): acto de coacción- violencia cara unha muller polo feito de ser muller, por parte da parella ou exparella (home).

Alumno- E se é unha parella homosexual?

Policía- Non sería violencia de xénero.

Alumno- E se unha muller agrede a un home?

Policía- Sería violencia doméstica.

Antecedentes:

·         No mundo é a primeira causa de norte en mulleres de 15/45 anos.

·         En España hai 2, 5 millóns de mulleres  que foron agredidas en algún momento da súa vida..

·         En España hai 800.000 menores que sofren as consecuencias da violencia de xénero.

1ª CONCLUSIÓN: A violencia de xénero afecta a unha parte importante da poboación española.

2.    COMO se exerce a violencia sobre a muller?

Segue un proceso:

·         Control- dominación (roles na parella): con quen sae, chamadas, illamento social …

·         Menosprezar, insultar, chantaxear, manifestacións violentas contra obxectos (fase de acumulación de tensión … (actos violentos pero non delictivos)

2ª CONCLUSIÓN: Non todo o que é violencia é delito

·         Exércese a violencia física.

·         Fase de arrepentimento ou trampa (lúa de mel).

·         Fase de negación (o agresor nega o ocorrido ou quítalle importancia).

·         REPETICIÓN DO CICLO ANTERIOR.

3ª CONCLUSIÓN: A violencia  de xénero  ten un proceso e vai a máis.

3.    POR QUE? Ideas que xorden no grupo:

a.    Por celos.

b.    Por ter un problema: coas drogas, alcohol …

c.    Polos roles sociais …

d.    Por exercer a  dominación

Reflexións : o alcohol e outras drogas poden intervir pero non son as causantes. A educación machista e os roles atribuídos a homes e mulleres na sociedade si están na raíz do problema.

4.    ONDE SE PRODUCEN  AS AGRESIÓNS?

No ámbito privado, onde non hai testigos.

5.    QUEN? Perfil do maltratador: Non depende da clase social nin da idade nin dos estudos que teña

4ª CONCLUSIÓN: calquera persoa pode ser agresor ou vítima.

PREGUNTAS QUE LLE FARÍAN AO AGRESOR:

v  Por que o fai?

v  Desde cando sabe que o ía facer?

v  Que lle fixo ela?

v  Que faría se el fora a vítima?

v  Se disfrutou facéndoo.

v  Por que non parou?

v  Se se arrepinte.

v  Por que a ela?

v  Se a quere.

v  Que conseguiu con esa actuación?

v  Se cre que vai  ser mellor a súa vida trala agresión.

PREGUNTAS PARA  A VÍTIMA:

v  Como empezou todo?

v  Se cría que podía cambialo?

v  Se cre que lle deu motivos para que a  agredira.

v  Por que deixou que se repetira?

v  Se o quere.

v  En que pensa cando ve á súa parella? Medo ou amor?

v  Se llo contou a alguén.

v  Por que non o denunciou?

v  Ser pensou que a podería matar.

v  Que motivacións cre que tiña el para facelo?

v  Se lle parecía ben que os seu fillos vivan nese ambiente.

v  Se cre que pode ser feliz con esa persoa.

Diego Frade: 'Na facultade o castelán é a lingua maioritaria'

por Diego Frade Amil, ex-alumno do Colmeiro. Estuda Grao en Matemáticas na USC

Levo desde o mes de setembro estudando na Facultade de Matemáticas da USC e desde o primeiro día  decateime de algo que xa me esperaba: o castelán era a lingua maioritaria.  Ademais, resultoume (e ségueo facendo) curioso que moitos dos meus compañeiros castelán-falantes, cando falo con eles (eu son desde sempre galegofalante), inmediatamente cambian e comenzan a falarme nun galego que, segundo o meu parecer, semella obrigado. Analogamente, ocorre o mesmo con algúns dos poucos galegofalantes. Pero non só nos alumnos se queda isto, senón tamén no profesorado. Moitos falantes de castelán e algún falantes de galego que a os que tamén lles ocorre o mesmo.

Pero estas son pequenas anécdotas da vida universitarias que ás que co paso dos meses un se acaba afacendo. Só me queda dicir que ao igual que no Colmeiro, aquí tamén hai un profesorado moi curioso. Un saúdo e cóidense.

Patricia Villanueva fálanos da variedades dialectais

Patricia Villanueva Rodríguez estudou na promoción 2005-10 no Pintor Colmeiro de Silleda e agora estuda o Grao de Turismo na Facultade de Ciencias, Empresariais e Turismo de Ourense. Achegounos os seguintes comentarios:

Lémbrome moitas veces dunha anécdota no instituto:  cando o profesor de música nos mandaba afinar/”ladrar” eu tiña que practicar máis que os outros compañeiros xa que nunca o daba feito á primeira.

De anécdotas relacionadas co galego na universidade salientarei dúas: por unha banda chamoume moito a atención a maneira de falar dos compañeiros da costa, con palabras como “acabín” no canto de acabei ou “mirín” no canto de mirei; por outra banda conta que aos seus compañeiros castelanfalantes sorprendeulles moito a gheada, e facíalles moita graza cando ela dicía “aghora” no canto de agora.

Alejandro Cangas: 'Vívese mellor no instituto'

Por Alejandro Cangas, ex-alumno do Colmeiro:

Estudo en Vigo o Grao en enxeñaría dos recursos mineiros e enerxéticos. As clases fanse monótonas e aburridas xa que non hai moito descanso entre clase e clase, como moito cinco minutos (e xa bo é). Estamos mesturados cos da Enxeñaría de enerxías. En principio son titulacións distintas pero cursamos o mesmo durante os 2 primeiros anos. Alá, as clases impártense na súa totalidade en castelán pero o que me resulta moi curioso é que, cando consulto unha dúbida cos profesores, practicamente todos, falanme galego. Se no instituto podía pensar que había algún profesor maniático ou raro, ao chegar á universidade doume conta de que é aquí onde están os profesores “especiais”.

Unha anécdota curiosa pasounos cos profesores de química: Un día tivemos clase de teoría 2 horas cun profesor. Deu a clase con bata blanca, moi serio, e formal. Era delgado e non moi alto. Ese mesmo día, tiña clase outra vez con el pola tarde (prácticas). Cando chegou o profesor todos quedamos asustados..engordara bastante con respecto a ese día pola mañá, tiña menos pelo e viña sin bata, pero seguía sendo moi serio e formal. Eu deime conta ao cabo duns minutos, pero a algún dos meus compañeiros levoulle tempo darse conta de que eran xemelgos. Si, nunca vira uns profesores xemelgos, pero na universidade, todo é posible.. Quen ía dicir que 2 profesores xemelgos impartirían clase da mesma materia, na mesma titulación e na mesma universidade?

Outro caso curioso é o do profesor de xeoloxía. Ten sobre 60 anos e ten 2 maneiras de “explicarche” as dúbidas; ou respondéndoche (este profesor responde en castelán): “non me acordó, hai moitos anos que o estudei” ou: “eu que sei non estaba alí para saber o que pasou”. Pero bueno, non todos os profesores son tan extraños, o de álxebra e cálculo I preocupábase para que entendeses as cousas (algo difícil de atopar nos terreos da ensinanza superior)

En definitiva.. aínda que coste crelo, en canto á ensinanza, vívese mellor no instituto. Por último, remato dicindo que estude onde se estude , se a túa lingua máis utilizada é o galego hai que seguilo falando, xa que a min sorprendeume a cantidade de rapaces e rapazas que falan galego na universidade (pensei que habería menos debido á pérdida do seu uso na xente nova) . Pero iso si, se lles falas castelán pensando que eles o falan habitualmente (aínda que sexan galegofalantes), moitos deles respóndenche en castelán.

Fálanos Pilar García Negro

A profesora da Universidade da Coruña, María Pilar García Negro, estivo o pasado venres 9 no instituto para falarnos da situación social da muller e a súa discriminación.
Pedro quixo que nos quedaran algunhas palabras dela sobre cal é a 

Contra o tabaco

Chámanse "Galeguistas 100%" e son María Eugenia, Juan Ares, Carla Filloy, Sergio Calviño, Arón Ares e Mª Ángeles González, seis rapaces de 1º B. Xuntánronse unha tarde e fixeron este vídeo con cancións anti-tabaco. Pasárono moi ben.
Agora é o momento de que o pasemos nós ben con eles. A primeira canción, como non, é unha nova versión do Ai, se eu te pego de Michel Teló.

Pilar García Negro no IES Pintor Colmeiro

O vindeiro venres día 9 de marzo ás 11:45 da mañá,  terá lugar no noso centro, co gallo da celebración do día da muller (8 de Marzo), unha conferencia a cargo de María Pilar García Negro baixo o título: 
 "A Muller no século XXI. Dinámicas de machismo no noso día a día. Da sociedade de Rosalía á actual: Cambios e continuacións."

García Negro, profesora de Filoloxía da UDC, experta en Rosalía, en cuestións relacionadas coa Muller e en sociolingüística.
Algúns libros desta autora, que recomendamos, son: 'O galego e as leis', editado por Cumio, 'Sempre en galego' 'Da fala á lingua: un proceso inacabado' 'Dereitos lingüísticos e control político' e 'Sobre o racismo lingüístico', na editorial Laiovento.
O acto está organizado pola Concellería de Educación de Silleda.