Xenerais de Lamela no entroido do Colmeiro

No festival de entroido celebrado o pasado venres 5/02/16 tivemos a visita dos Xenerais de Lamela, que nos mostraron en que consistían as vestimentas e a tradición destas festas nas terras da Ulla

Galicia encantada

Aproveitamos a ocasión de que Antonio Reigosa estivo no noso centro e que agora temos unha aula co seu nome para divulgar un moi recomendable espazo web que ten moita relación con el: Galicia encantada, a enciclopedia da fantasía popular en Galicia.
Sabemos que moitos traballáchedes o tema das lendas. Neste portal podedes consultar moitas e incluso podedes enviar as que vós recollíchedes.

Entroido en Silleda

Ademais da gran cantidade de recursos con que nos fornece a CGENDL para o entroido, sen sairmos de Silleda temos unha boa colección de alternativas para mergullarnos no espíritu de Don Carnal.
O certo é que temos un entroido para sentírmonos orgullosos, cunha característica diferencial importante, única no mundo. Estamos a falar dos Xenerais da Ulla que percorren as parroquias a cabalo dando vivas e acompañados dos seus correos, dun exército de comparsas e abandeirados. Rematan escenificando un alto no que fan sátira dos máis variados asuntos acontecidos durante o ano.